Styret i Etne Elveigarlag har vedteke at fiske i elva held fram til 25. august som planlagt, og det vert ikkje innført endring i fiskereglar eller kvotar.

Bakgrunn for framleis fiske, er at oppgongstala så langt tydar på at me vil oppnå gytebestandsmålet med omlag same  margin som i fjor. Me ligg pr no ca 100 kg ho laks bak fjoråret. Status er omlag som årsmøtet forventa då vedtak om kvotar og fiskereglar for sesongen vart vedteke, og derav er det ikkje grunnlag for å gjera endringar etter midtsesong.

Me vil minna om at det er viktig at fiskerar set seg godt inn i fiskereglar og nyttar det infomateriell som er tilgjengeleg for å kunne skilje mellom hann og ho laks.