Fiskereglar i Storelva 2025

• Alle over 16 år skal ha gyldig fiskekort og ha registrert forvaltningskort (kr. 50) på elveguiden.no.
• Rettigheitshavarar i Storelva skal ha gyldig grunneigarkort og ha registrert forvaltningskort (kr. 50) på elveguiden.no

I Storelva er det tillate å fiske aure/ innlandsfisk i tidsrommet frå og med 15. mars til og med 30. september. Døgnkvote: 5 stk. 

Stong og handsnøre 

Ved fiske er det lov å nytte ei stong eller eitt handsnøre pr. person. Det er lov med inntil 2 agn pr. stong eller handsnøre, men det er ikkje lov å bruke fastståande stong eller handsnøre. Det er forbode å fiske laks og ål. Evt. laks som vert fanga skal setjast ut igjen. Skada laks som må avlivast skal leverast til Bjørn Navelsaker, tlf.: 958 48 120 – for nedfrysing. 

Søkkje

Søkkje kan berre brukast i tilknyting til fiske med mark. 

Krokstorleik

Avstanden mellom krokstamme og krokspiss skal ikkje vere større enn 13 mm. For enkeltkrok ikkje større enn 15 mm. 

Agn 

Følgjande agn er lov å bruke: mark, sluk, spinner, wobbler og fluge. Det er forbode å bruke levande fisk og reker som agn. 

Generelt 

• Skjelprøvetaking og fangstrapportering i Elveguiden.no:
  • All fisk over 40 cm skal takast skjelprøver av, og rapporterast som ein og ein fisk.
  • All fisk mindre enn 40 cm skal rapporterast som tal fisk.
  • Har du fiska utan å få fangst skal dette rapporterast som «Ingen fangst».
• Alt utstyr som er nytta i anna vassdrag skal desinfiserast før bruk i Storelva. (Gjeld både fiskeutstyr, kano, kajakk, våtdrakt og liknande.)
• I elva er det forbod mot bruk av båt, vannscooter og anna motorisert farkost.
• Fiske og utstyr som er i strid med desse fiskereglane er forbode.

Konsekvensar ved brot på fiskereglar

• Fiske utan fiskekort/løyve (3):
  • Første gong medfører rettleiing.
  • Andre gong medfører advarsel.
  • Tredje gong medfører bortvisning.
• Mangel på desinfisering av reiskap/utstyr og farkost (2):
  • Medfører bortvisning.
• Ulovleg reiskap (1):
  • Første gong medfører rettleiing.
  • Andre gong medfører bortvisning.
  • Tredje gong medfører utestenging resten av sesongen.
• Manglande registrering av forvaltningskort (1):
  • Medfører rettleiing.
• Manglande rapportering (1):
  • Første gong medfører rettleiing.
  • Andre gong medfører advarsel.
• Manglande uttak/levering av skjelprøver (1):
  • Medfører rettleiing.

Vedteke på årsmøtet i Hornindalsvassdraget Forvaltningslag SA 14.april 2025