Fiskereglar i Hornindalsvatnet 2025

• Alle over 16 år skal ha gyldig fiskekort og ha registrert forvaltningskort (kr. 50) på elveguiden.no.
• Rettigheitshavarar i Hornindalsvatnet skal ha gyldig grunneigarkort og ha registrert forvaltningskort (kr. 50) på elveguiden.no 

Stong, handsnøre og oter 

Det er tillate å fiske aure/ innlandsfisk med stong og handsnøre heile året, og med oter i tidsrommet 15. mai – 25. september. Slikt fiske kan berre skje i avstand på minst 100 m i luftline frå elveos. Fiske etter ål og laks er forbode. Evt. laks som vert fanga skal setjast ut igjen. Skada laks - som må avlivast, skal leverast til Svein Navelsaker (nordsida), tlf.: 416 35 790 eller til Håvard Holmøyvik (sørsida), tlf.: 414 27 931 – for nedfrysing. Trolling/ djupvassdorg ved hjelp av blyline, søkkje, paravan e.l. er ikkje tillat. 

Agn 

Følgjande agn er lov å bruke: mark, sluk, spinner, wobbler og fluge. Det er forbode å bruke levande fisk og reker som agn. 

Fiske frå land 

Ved fiske frå land er det lov å nytte ei stong eller eitt handsnøre pr. person. Det er lov med inntil 2 agn pr. stong eller handsnøre. Det er ikkje lov å bruke fastståande stong eller handsnøre. 

Fiske frå båt 

Ved fiske frå båt er det lov å bruke inntil 2 reiskap samtidig (stong/ handsnøre/ oter). Stong og handsnøre kan berre ha eitt agn pr. reiskap. Oter kan nyttast med inntil 8 fluger, og berre ein oter per båt). 

Generelt 

• Skjelprøvetaking og fangstrapportering i Elveguiden.no, innan 24 timar etter avslutta fiske:
  • All fisk over 40 cm skal takast skjelprøver av, og rapporterast som ein og ein fisk.
  • All fisk mindre enn 40 cm skal rapporterast som tal fisk i eige skjema for Hornindalsvatnet.
  • Har du fiska utan å få fangst skal dette rapporterast som «Ingen fangst».
• Alt utstyr som er nytta i anna vassdrag skal desinfiserast før bruk i Hornindalsvatnet. (Gjeld både fiskeutstyr, båt, kano, kajakk, vannscooter og liknande.)
• Fiske og utstyr som er i strid med desse fiskereglane er forbode. 

Konsekvensar ved brot på fiskreglar

• Fiske utan løyve (3)
  • Første gong medfører rettleiing.
  • Andre gong medfører advarsel.
  • Tredje gong medfører bortvisning.
• Mangel på desinfisering av reiskap/utstyr og farkost (2):
  • Medfører bortvising.
• Ulovleg reiskap (1):
  • Første gong medfører rettleiing.
  • Andre gong medfører bortvising.
  • Tredje gong medfører utestenging resten av sesongen.
• Bruk av ulovleg garn:
  • Medfører politianmeldelse.
• Manglande registrering av forvaltningskort (1):
  • Medfører rettleiing.
• Manglande rapportering (1):
  • Første gong medfører rettleiing.
  • Andre gong medfører advarsel.
  • Tredje gong medfører bortvising.
• Manglande uttak/levering av skjelprøver (1):
  • Medfører rettleiing.

For grunneigarar i Hornindalsvatnet gjeld særreglar for fiske med garn etter innlandsfisk i samsvar med Forskrift om fiske i og utanfor vassdrag med anadrome laksefisk, Sogn og Fjordane, sist endra i 2018. https://lovdata.no/dokument/LF/forskrift/2018-04-06-539?q=Forskrift%20o…

Kort resume: 

• Aust for ei line vest for Årvikneset og vest for Andeneset er det tillate å fiske med botngarn og ned-dykte garn med største maskevidd 31 mm heile året.
• Aust for ei line mellom Bakkeneset og Grønløkjen er det tillate å fiske med botngarn og flytegarn med største maskevidd 39 mm i tidsrommet 15. mai–25. september.
• Ved utløpet av Storelva (Ytrehorn/ Kyrkjhorn) er garnfiske tillate utanfor ei linje ca. 150 m frå elveosen og i ca. 200 m breidde ute på vatnet. 

Alle garnlenkjer skal merkast med fiskaren sitt namn eller gnr./ bnr. på endeflottøren mot land.

Vedteke på årsmøtet i Hornindalsvassdraget Forvaltningslag SA 14. april 2025