Fritidsfiske

For å gjere fiske i Gaula meir attraktivt og tilgjengeleg, er det viktig at det er gode rutinar på marknadsføring av elva og på sal av fiskekort.

Det skal vere lett for tilreisande fiskarar å finne fram til rett sone, fiskerett/vald, tilkomstveg, parkering og liknande. Laget bør, så langt det er mogeleg ha ein felles profil på skilt som skal stå langs offentlege vegar og langs elva. 

Biologi

Det er eit mål at forvaltinga av elva er basert på eit godt datagrunnlag. Det er difor naudsynt med innsamling av rette og gode data, samt at rutinane for dette er gode. 

Vi ønskjer å forhindre spreiing av fiskesjukdommar og parasittar til Gaula. Nærleiken til Gyrosmitta elvar og stor gjennomstrøyming av fiskarar og turistar gjer tiltak i høve til dette svært aktuelt. Dette arbeidet skal gjerast ved informasjon, førebyggande tiltak og overvaking. 

Elveigarlaget skal arbeide for å hindre ureining og andre trugslar mot vassdraget.

Næringsutvikling

Rettshavarane i den anadrome delen av Gaula skal vere organisert på ein slik måte at dei kan forvalte fiskeressursen i vassdraget på ein god og rasjonell måte.