Kvar grunneigar leiger sjølv ut fiskerettane sine. Nokre rettshavarar har gått saman i samarbeidsavtalar, og desse områda vert leigde ut samla. Forvaltningslaget fastset fiskereglane innanfor rammene frå styresmaktene, og har ansvar for oppsyn i elva, desinfeksjon av fiskeutstyr, innsamling av fangstrapportar, teljing av laks og sjøaure i laksetrappene ved Sandsfossen, vurdering av fisket midt i sesongen, og overvaking av korleis laks- og sjøaurebestandane utviklar seg i elva.
Suldalslågen
Suldalslågen er Vestlandets største elv. Ho renn frå Suldalsvatnet og munnar ut ved Sand, i Sandsfjorden. Lågen er 23 kilometer lang og heile elva er lakseførande.
Suldalslågen Sandsfossen. Fotograf: Edvin Bakka@2017
Beskrivelse
Bildet viser Sandsfossen. Nederst til venstre ser ein Fossheim, Turistkontoret i Suldal.
Regulations
Regulations
Fiskereglar 2025
Fiskarar er pliktige til å setja seg inn i følgjande lovar og forskrifter før fisket startar
Forskrift om oppgaveplikt og om redskaper som er tillatt benyttet ved fiske etter anadrome laksefisk:
Forskrift om fiske etter anadrome laksefisk i vassdrag
https://lovdata.no/dokument/SF/forskrift/2021-03-15-798
Lov om laksefisk og innlandsfisk mv. (lakse- og innlandsfiskeloven)
Lov om laksefisk og innlandsfisk mv. (lakse- og innlandsfiskloven) - Lovdata
Døgnkvote
Ein merka laks per fiskedøgn
Utsett fisk blir ikkje rekna med i kvota
Når kvota er nådd, skal fisket stansast fram til neste fiskedøgn.
Skadd fisk som ikkje kan setjast ut, skal leverast til kortutleiar
Makkafiske
Ein kan fiska med makk etter avtale med grunneigar eller kortutleigar. Det er berre tillate å bruka levande makk og sirkelkrok.